Patrino de kvin diversgentaj orfoj:       
franca, hinda, indiana, japana kaj juda.

Ŝi iras tra la mondo
ne nur por verve distri,
ŝi venas por registri
en nia koro
la gradon de la honto
aŭ de honoro.

El ŝia korpo nana
pasio disradias,
kaj flame erupcias
en elokvento
apologi’ vulkana
por ŝia gento.

Penetras ĝismedole
la vipo de la vero.
Sed lukte por tolero
ŝi tre humile
mem donas apostole
ekzemplon brile:

Sen iu rasa baro
diverskolora kvino
ŝin nomas la patrino
kaj tiel diras,
ke rajtoj de 1’ homaro
ankoraŭ spiras.

Saluton, fratineto,
kaj dankon pro kuraĝo!
Vi portas sur vizaĝo
nobelan signon:
Konfirmas via kredo
la homan dignon.