Al la Granda Masonisto

Lingverojn vi kuraĝe
por monumento lutis.
Lingverojn vi kuraĝe
por monumento lutis,
dum ĉirkaŭ vi kuraĉe
malzorgaj buboj ludis.

Sed iam tra la mondo
tedite vi forvagis.
Sed iam tra la mondo
tedite vi forvagis,
sur monumenta monto
posteno via vakis.

Finfine kaj sendube
hodiaŭ vi revenas.
Finfine kaj sendube
hodiaŭ vi revenas:
tion mi kredas dupe,
se foje mi revemas.