Poemoj de William Auld

AL PASTRO

Vi staras pale ĉe l’katedro
kaj fablojn knedas
pri dio, kristo, sankta petro;
Ĉu do vi kredas,
ke homajn korojn tuŝas trafe
viaj vortpafoj?
Pastro! — vi blekas eĉ pli
ŝafe
ol viaj ŝafoj!

EVOLUO

Prahom’ Adamo
l’aeron freŝan de l’mateno snufis
ĝis liaj pulmobalgoj plene pufis;
ekprenis sian klaban kverkobranĉon
kaj iris ĉasi sian matenmanĝon.

Sinjoro Braŭn
ĉirkaŭ la gorĝon volvas skarpan lanon
por flegi sian delikatan sanon;
ekprenas sian decan pluvombrelon
kaj iras “gardi por la nokt’ kandelon”.

Prahom’ Adamo
la fulmotondron kaj ventegon timis,
kaj ilin kiel diojn li estimis:
li ne komprenis la naturpotencojn,
do antaŭ ili faris riverencojn.

Sinjoro Braŭn
dimanĉe al preĝejo iras orde,
sur benk’ rigida sidas malkomforte:
sed ne plu kredas la koleron dian,
kaj krizon timas nur ekonomian.

Ĉi tiuj poemoj aperas kun permeso de la aŭtoro, kiu varme aprobas la laboron de ATEO.


Fonto: Auld, William. “Al Pastro” & “Evoluo”, Ateismo 3: 1-3 (7-9), januaro - septembro 1991, p. 37.


ATEO: Bazaj Informoj & Enhavtabeloj de Ateismo

William Auld Memorial Page / En Memoro

Esperanto Study Guide / Esperanto-Gvidilo


Home Page | Site Map | What's New | Coming Attractions | Book News
Bibliography | Mini-Bibliographies | Study Guides | Special Sections
My Writings | Other Authors' Texts | Philosophical Quotations
Blogs | Images & Sounds | External Links

CONTACT Ralph Dumain

Uploaded 19 July 2006
Link added 4 November 2006

Site ©1999-2009 Ralph Dumain